દાર્જિલિંગ – પૂર્વીય હિમાલયની ટોચ પર વસેલું પશ્ચિમ બંગાળનું આ સુંદર શહેર તેના ચાના બગીચા માટે આખી દુનિયામાં પ્રખ્યાત છે. વિશ્વની કેટલીક શ્રેષ્ઠ ચા (ચાઈ)નું ઉત્પાદન અહીં થાય છે. કંચનજંગાના શિખરો, શહેરનું ઠંડુ વાતાવરણ અને ઐતિહાસિક દાર્જિલિંગ હિમાલયન રેલ્વે જોઈને તમે ખુશ થશો. જો તમે અહીં 5 દિવસ માટે જાઓ છો, તો તમે 20,000 થી 25,000 રૂપિયામાં સારી રીતે ફરી શકો છો.
ઉટી – નીલગીરી પહાડીઓમાં આવેલું આ મનોહર હિલ સ્ટેશન તેની પ્રાકૃતિક સુંદરતા માટે જાણીતું છે. હરિયાળી અને ખુશનુમા હવામાનથી ભરેલા આ નગરને તેથી ‘પહાડોની રાણી’ કહેવામાં આવે છે. ઊટીની મુલાકાત લેવાનો શ્રેષ્ઠ સમય સપ્ટેમ્બરથી નવેમ્બર માનવામાં આવે છે, કારણ કે આ સમયે તાપમાન 15 થી 20 ડિગ્રી સેન્ટિગ્રેડની વચ્ચે રહે છે. જો તમે એકલા ફરવા જાવ છો તો અહીંયા 20000 થી 25 હજાર રૂપિયામાં મુસાફરી કરી શકો છો.
શિમલા – શિમલા હિમાલયની તળેટીમાં આવેલું એક આકર્ષક હિલ સ્ટેશન છે. બરફથી આચ્છાદિત શિખરો, લીલીછમ ખીણો અને વિક્ટોરિયન આર્કિટેક્ચરથી શણગારેલું આ શહેર કુદરતી સૌંદર્ય અને ઐતિહાસિક વારસાનું અનોખું મિશ્રણ પ્રદાન કરે છે. તમે મોલ રોડ પર આરામથી લટાર મારી શકો છો, જખુ મંદિરની મુલાકાત લઈ શકો છો. અને રિજ પરથી મનોહર દૃશ્યોનો આનંદ માણી શકાય છે.
લેહ – દેશના સૌથી ઉત્તર ભાગમાં આવેલું લેહ, તેના કઠોર દ્રશ્યો, બૌદ્ધ મઠો અને અનન્ય સંસ્કૃતિ માટે સમગ્ર વિશ્વમાં પ્રખ્યાત છે. ઉજ્જડ પહાડો અને ઊંચાઈવાળા રણથી ઘેરાયેલું લેહ ચમકતા પેંગોંગ તળાવને કારણે મનમોહક લાગે છે. લેહ પેલેસ લેહમાં સ્થિત છે, જે મેગ્નેટિક હિલ તરીકે ઓળખાય છે. આ આલીશાન મહેલનું નિર્માણ 17મી સદીમાં રાજા સેંગે નામગ્યાલે કરાવ્યું હતું.
ઉદયપુર – રાજસ્થાનના આ સુંદર શહેરને તળાવોના શહેર તરીકે પણ ઓળખવામાં આવે છે. પ્રાચીન તળાવો, ભવ્ય મહેલો અને સાંકડા વળાંકવાળા રસ્તા તેની ભવ્યતામાં વધારો કરે છે. લેક પિચોલાને જોતો જાજરમાન સિટી પેલેસ શહેરના શાહી વારસાનો પુરાવો છે. સૂર્યાસ્ત સમયે તળાવ પર બોટ સવારી અરવલ્લી ટેકરીઓનું મનોહર દૃશ્ય આપે છે.
મેકલિયોડ ગંજ – લિટલ લ્હાસા તરીકે ઓળખાતું હિમાચલ પ્રદેશનું આ શહેર તિબેટના ધાર્મિક નેતા દલાઈ લામાનું નિવાસસ્થાન છે. કુદરતની સુંદર છાયા સાથે અહીં ઘણા ભવ્ય મઠ છે, જે તમારું દિલ જીતી લે છે. અહીં ટ્રેકિંગ માટે પણ ઘણી તકો હશે. ચારેબાજુ પહાડોની વચ્ચે આવેલું, મેક્લિયોડગંજ પ્રાચીન તિબેટીયન અને બ્રિટિશ સંસ્કૃતિથી ઘેરાયેલું છે.
