1997માં ટાઈટેનિક નામની ફિલ્મ રિલીઝ થઈ હતી. ત્યારથી આ ફિલ્મ જોવામાં આવે છે અને તેનો ઉદાહરણ તરીકે ઉપયોગ કરવામાં આવે છે. આ ફિલ્મમાં દુનિયાનું સૌથી મોટું અને સૌથી વૈભવી જહાજ કેવી રીતે દરિયામાં ડૂબી ગયું તે બતાવવામાં આવ્યું હતું. આ ફિલ્મ એન્ડિંગના કારણે હંમેશા ચર્ચામાં રહી હતી.
આ ફિલ્મની વાર્તા કાલ્પનિક હતી પરંતુ તેમાં બતાવવામાં આવેલ જહાજની વાર્તા વાસ્તવિક હતી. 1912 માં, જ્યારે ટાઇટેનિક નામનું જહાજ ઇંગ્લેન્ડના સાઉથેમ્પટનથી અમેરિકા જઇ રહ્યું હતું, ત્યારે તે એક વિશાળ આઇસબર્ગ સાથે અથડાયું અને એટલાન્ટિક મહાસાગરમાં ડૂબી ગયું. પરંતુ હવે ટાઈટેનિક કરતા 5 ગણું મોટું ક્રૂઝ બનાવવામાં આવ્યું છે અને પ્રવાસીઓ તેમાં મુસાફરીનો આનંદ લઈ રહ્યા છે.
ટાઇટેનિક કરતા પણ મોટા આ ક્રૂઝમાં છે 7 સ્વિમિંગ પુલ
ટાઇટેનિક કરતા પણ મોટા આ ક્રૂઝમાં 7 સ્વિમિંગ પુલ છે. તેમાં 20 ડેક છે. આ ક્રૂઝ પ્રવાસીઓ માટે ગ્રાઉન્ડબ્રેકિંગ વોટરસ્લાઈડ્સ ધરાવે છે. આ ક્રૂઝ એટલી આલીશાન છે કે દરેક પ્રવાસી તેમાં ફરવાનું પસંદ કરશે. આ ક્રુઝમાં પ્રવાસીઓ માટે મનોરંજનના દરેક સાધનો ઉપલબ્ધ છે. આ લક્ઝરી ક્રૂઝમાં 7,600 મહેમાનો મુસાફરી કરી શકે છે અને 2,350 ક્રૂ મેમ્બર છે.
વિશ્વના આ સૌથી મોટા ક્રુઝનું નામ શું છે?
વિશ્વના આ સૌથી મોટા ક્રૂઝનું નામ આઈકોન ઓફ ધ સીઝ છે. આ ક્રૂઝ રોયલ કેરેબિયન ઈન્ટરનેશનલ દ્વારા બનાવવામાં આવી છે. આઇકન ઓફ ધ સીઝ ક્રુઝ લાઇન 1,198 ફૂટ લાંબી છે. જ્યારે ટાઇટેનિકની લંબાઈ 852 હતી. આ ક્રૂઝનું વજન ટાઇટેનિક કરતા 5 ગણું વધારે છે. તેનું વજન 250,800 ટન છે. જ્યારે ટાઇટેનિક 46,329 હતી. આ ક્રૂઝ પરથી તમે સમુદ્રના 220 ડિગ્રી વ્યૂ જોઈ શકો છો. આ ક્રુઝ પર તમને રેસ્ટોરન્ટ પણ મળશે.
એટલું જ નહીં, અહીં પ્રવાસીઓ માટે લટાર મારવા માટે એક પાર્ક પણ છે. આ ક્રુઝ પર પ્રવાસીઓ માટે સેન્ટ્રલ પાર્ક પણ બનાવવામાં આવ્યો છે. પ્રવાસીઓએ ઓક્ટોબર 2022થી જ આ ક્રૂઝ માટે ટિકિટ ખરીદી હતી. આ ક્રૂઝમાં મુસાફરી કરવા માટે તમારે લાખો અને કરોડો રૂપિયા ખર્ચવા પડશે. આઇકોન ઓફ ધ સીઝ એ પણ વિશ્વના સૌથી મોટા ક્રુઝ શિપ તરીકે તેની યાત્રા શરૂ કરી છે.
