આ દેશ તેના ત્યાં વસવા લોકોને આપી રહ્યો છે લાખો રૂપિયા, ફ્રીમાં મળશે બીજી પણ ઘણી વસ્તુ

શું તમે ક્યારેય શહેરની ધમાલ છોડીને કોઈ બીજા દેશમાં સ્થાયી થવાનું વિચાર્યું છે? એવા ઘણા લોકો છે જેઓ અભ્યાસ, વ્યવસાય વગેરે માટે બીજા દેશમાં સ્થાયી થયા છે. જો તમે પણ કંઈક આવું કરવા ઈચ્છો છો તો તમારા માટે આ એક સારી તક છે. અમે તમને દુનિયાના કેટલાક એવા દેશો વિશે જણાવવા જઈ રહ્યા છીએ જે યુવાનોને સેટલ થવા માટે પૈસા આપી રહ્યા છે. એટલે કે જો તમે આ દેશોમાં શિફ્ટ થશો તો અહીંની સરકાર તમને પૈસા આપશે.

ટુલ્સા, ઓક્લાહામા – ટુલ્સા સિટી રિમોર્ટ કામદારો શોધી રહી છે અને તેની કોમ્યુનિટીમાં સામેલ થવા માટે 10 હજાર ડોલર એટલે કે 8 લાખ રૂપિયા ચૂકવી રહ્યાં છે. એટલું જ નહીં, અહીં આવનારા લોકોને ફ્રી ડેસ્ક સ્પેસ અને નેટવર્કિંગ ઈવેન્ટ્સમાં હાજરી આપવાની પણ મંજૂરી આપવામાં આવશે. તમારે અહીં જવું હોય તો તમારી ઉંમર ઓછામાં ઓછી 18 વર્ષની હોવી જોઈએ. આ ઉપરાંત, તમારી પાસે ઓક્લાહોમાની બહાર પૂર્ણ સમયની નોકરી અથવા વ્યવસાય હોવો આવશ્યક છે. ઉપરાંત તમે યુ.એસ.માં કામ કરવા સક્ષમ હોવા જોઈએ.

અલ્બાનિયા, સ્વિત્ઝરલેન્ડ – સ્વિત્ઝરલેન્ડનું આ શહેર લોકોને અહીં સ્થાયી થવા માટે આમંત્રણ આપી રહ્યું છે. આ સ્થળની વસ્તી વધારવા માટે અહીં સ્થાયી થયેલા યુવાનોને 20 હજાર ફ્રેંક એટલે કે 20 લાખ રૂપિયા ચૂકવવામાં આવી રહ્યા છે, જ્યારે બાળકોને 10 હજાર ફ્રેંક એટલે કે 8 લાખ રૂપિયા ચૂકવવામાં આવી રહ્યા છે. પરંતુ આ માટે કેટલીક શરતો છે અને તે શરત એ છે કે તમારે 10 વર્ષ સુધી અહીં રહેવું પડશે. કહેવા ખાતર, ગયા વર્ષે આ ગામમાં માત્ર 240 લોકો હતા. ઉપરાંત, તમારા નવા સ્વિસ ઘરની કિંમત લગભગ INR 200,000 (રૂ. 1.5 કરોડ) હોવી જોઈએ.

સિસિલી, ઇટાલી – સિસિલીની વસ્તી સતત ઘટી રહી છે, તેથી જો તમે અહીં સ્થાયી થવા માંગતા હો, તો તમારા માટે ખૂબ જ સારી તક છે. સિસિલીના બે શહેરો, સામ્બુકા ડી સિસિલિયા અને ટ્રાઇના, 1 યુરો કરતાં ઓછી કિંમતે ઘરો વેચી રહ્યાં છે. તેના બદલામાં માત્ર એક જ શરત છે કે ત્રણ વર્ષમાં આ ઘરનું નવીનીકરણ કરવા સાથે તમારે 6 હજાર ડોલર એટલે કે 4 લાખ 80 હજારની સિક્યોરિટી ડિપોઝીટ ચૂકવવી પડશે. સિક્યોરિટી ડિપોઝિટની આ રકમ રિનોવેશનની કામગીરી પૂર્ણ થયા બાદ પરત કરવામાં આવશે.

એન્ટિકિથેરા, ગ્રીસ – અહીં રહેતા લોકોની સંખ્યા માત્ર 20 છે, જેના કારણે લોકોને અહીં રહેવા માટે આમંત્રણ આપવામાં આવી રહ્યું છે. અહીં રહેતા લોકોને પ્રથમ ત્રણ સીલ માટે જમીન, મકાન અને માસિક સ્ટાઈપેન્ડના રૂપમાં 565 ડોલર અંદાજે 45 હજાર રૂપિયા આપવામાં આવશે.

અલાસ્કા- જો તમને ઠંડુ હવામાન ગમે છે તો અલાસ્કા તમારા માટે પરફેક્ટ ડેસ્ટિનેશન સાબિત થઈ શકે છે. અલાસ્કા પરમેનન્ટ ફંડ નામનો પ્રોગ્રામ અહીં ચલાવવામાં આવે છે, જે અંતર્ગત દર વર્ષે અહીં રહેતા રહેવાસીઓને સમાન રકમની વહેંચણી કરવામાં આવે છે. જો તમે આખું વર્ષ અહીં રહો છો, તો તમને $1,600 એટલે કે 1 લાખ 30 હજાર રૂપિયા આપવામાં આવશે.

આયર્લેન્ડ- જો તમે કોઈ નવી જગ્યાએ જવા માંગો છો અને તમારો બિઝનેસ શરૂ કરવા માંગો છો, તો આયરલેન્ડ તમારા માટે સારો વિકલ્પ સાબિત થઈ શકે છે. અહીં એન્ટરપ્રાઇઝ આયર્લેન્ડના નામથી એક સ્કીમ ચાલે છે. જે અંતર્ગત સ્ટાર્ટઅપ બિઝનેસને વર્ષ 2020માં 120 મિલિયન યુરો આપવામાં આવ્યા હતા. આ માટે તમારે આયર્લેન્ડના નાગરિક હોવું જરૂરી નથી પરંતુ તમારે આયર્લેન્ડમાં તમારો બિઝનેસ રજીસ્ટર કરાવવો પડશે.

પોન્ગા, સ્પેન – સ્પેનના ઉત્તરમાં પહાડોથી ઘેરાયેલું આ નાનકડું ગામ અહીં રહેતા યુવા યુગલોને $3,600 એટલે કે લગભગ 3 લાખ રૂપિયા આપી રહ્યું છે. સાથે જ અહીં જન્મેલા બાળકોના માતા-પિતાને 3 લાખ રૂપિયા પણ આપવામાં આવી રહ્યા છે.

કેન્ડેલા, ઇટાલી – અહીં સ્થાયી થયેલા લોકોને, ખાસ કરીને યુવાન યુગલો અને પરિવારોને કેન્ડેલા ઘણા પૈસા ચૂકવે છે. યુવાનોને અહીં સ્થાયી થવા માટે 950 ડોલર એટલે કે લગભગ 75 હજાર રૂપિયા ચૂકવવામાં આવી રહ્યા છે, જ્યારે યુવા યુગલોને અહીં સ્થાયી થવા માટે 1400 ડોલર એટલે કે 1 લાખ રૂપિયા આપવામાં આવી રહ્યા છે. જો તમારી સાથે તમારો પરિવાર હોય તો વધુ પૈસા ચૂકવવામાં આવે છે.