ભારતીય રેલ્વે’ IRCTC એ પસંદગીના સ્ટેશનો પર સામાન્ય કોચના મુસાફરો માટે ‘ઇકોનોમી માઇલ’ રજૂ કરી છે. આ ભોજન માત્ર ₹20ના પ્રારંભિક ભાવે શરૂ થશે. પ્રાપ્ત માહિતી અનુસાર, રેલવે નેટવર્કના પસંદગીના 100 સ્ટેશનો પર ઇકોનોમી માઇલ માટે વિશેષ કાઉન્ટર બનાવવામાં આવશે.
આ પહેલનો મુખ્ય ઉદ્દેશ્ય મુસાફરોને પોષણક્ષમ ભાવે આરોગ્યપ્રદ ખોરાક પૂરો પાડવાનો છે. ખાસ કરીને ગરમીનું પ્રમાણ વધી રહ્યું છે ત્યારે જો ખાદ્યપદાર્થોની સ્વચ્છતા જાળવવામાં ન આવે તો રોગચાળો ફેલાવાનું જોખમ વધી જાય છે. આને ધ્યાનમાં રાખીને, ભારતીય રેલ્વેએ પસંદગીના સ્ટેશનો પર મુસાફરોને માત્ર ₹20ના પ્રારંભિક ભાવે IRCTC દ્વારા ઇકોનોમી માઇલ ઉપલબ્ધ કરાવવાનો નિર્ણય કર્યો છે.
પ્રાપ્ત માહિતી અનુસાર, IRCTCએ 100 સ્ટેશનો પર લગભગ 150 કાઉન્ટર બનાવ્યા છે. ટૂંક સમયમાં, ઇકોનોમી મીલ કાઉન્ટર અને સ્ટેશનોની સંખ્યા વધારવા માટે ચર્ચા કરવામાં આવશે. એવું કહેવાય છે કે સ્ટેશનો પર સ્થાપિત IRCTC કાઉન્ટર્સ પર બે પ્રકારનું ભોજન ઉપલબ્ધ છે – ₹20નું ઇકોનોમી ભોજન અને ₹50નું નાસ્તો ભોજન.
આ વિશે મીડિયા સાથે વાત કરતા IRCTCના અધિકારીએ જણાવ્યું કે ઉનાળાની ઋતુમાં સ્ટેશનો પર મુસાફરોની ભીડ અનેકગણી વધી ગઈ છે. IRCTCએ મુસાફરોની પરેશાનીઓ ઘટાડવા અને પોષણક્ષમ ખોરાકના વિકલ્પો વધારવાના ઉદ્દેશ્ય સાથે આ નવી પહેલ શરૂ કરી છે.
ભારતીય રેલ્વેએ મુખ્યત્વે સામાન્ય વર્ગના મુસાફરો માટે ઇકોનોમી માઇલ સુવિધા શરૂ કરી છે. એવું કહેવાય છે કે જ્યાં સામાન્ય સેકન્ડ ક્લાસ કોચ પાર્ક કરવામાં આવે છે તે જ જગ્યાએ પ્લેટફોર્મ પર ઈકોનોમી મીલ કાઉન્ટર પણ લગાવવામાં આવ્યા છે.
