આ જગ્યા પર આવી લો હરવા-ફરવા સાથે ફ્રીમાં ખાવા-પીવાની પણ મજા

જો તમે બજેટ પ્રવાસી છો, તો આઈ એમ શ્યોર ટ્રિપનું આયોજન કરતી વખતે, તમારે મુસાફરીથી લઈને હોટેલ, ફૂડ સુધીની દરેક વસ્તુ માટે બજેટ નક્કી કરતા હશો. પરંતુ કેટલીકવાર વધારાના ખાવા, પ્રવાસન સ્થળોની પ્રવેશ ફી સાથે સાથે થોડુ વધી જાય છે. પણ જો તમે ઓછા બજેટમાં ફરવાનો તમારો શોખ પૂરો કરવા માંગો છો, તો આજે અમે તમને એવા જ કેટલાક ડેસ્ટિનેશન વિશે જણાવીશું, જે ફરવા માટે તો સારું છે જ, પરંતુ તમે ફ્રીમાં ખાવા-પીવાની મજા પણ લઈ શકો છો.

સુવર્ણ મંદિર, અમૃતસર
ખૂબ સરસ જગ્યા. જો તમે ઈતિહાસ અને ધર્મમાં રસ ધરાવો છો, તો અહીં ઘણું બધું છે અને સૌથી સારી વાત એ છે કે તમે ગુરુદ્વારામાં વિનામૂલ્યે ખોરાક ખાઈ શકો છો. ગુરુદ્વારામાં લંગરનું આયોજન કરવામાં આવે છે. 1481માં ગુરુ નાનક દ્વારા શરૂ કરાયેલ આ પ્રથા આજે હજારો ભૂખ્યા લોકોને ભોજન કરાવે છે. ગુરુદ્વારામાં તમામ ધર્મ અને જાતિના લોકો સાથે બેસીને ભોજન કરે છે.

સુવર્ણ મંદિરમાં આયોજિત લંગર ખૂબ મોટો છે. જ્યાં રોજના 50000 લોકોને ભોજન આપવામાં આવે છે. તહેવારોના અવસરે આ સંખ્યા 100,000 સુધી પણ પહોંચી જાય છે. અહીં બેસવા માટે બે મોટા હોલ છે જ્યાં એક સાથે 5000 લોકો ભોજન કરી શકે છે. તો અમૃતસર તમે ખૂબ જ ઓછા બજેટમાં ફરી શકો છો.

વૈષ્ણો દેવી, જમ્મુ અને કાશ્મીર
વર્ષ 2019માં શ્રી માતા વૈષ્ણો દેવી સમિતિએ અહીં આવતા તમામ લોકો માટે લંગરનું આયોજન કરવાનું શરૂ કર્યું. ત્યારથી અત્યાર સુધી આ સુવિધા અહીં દરેક વ્યક્તિ માટે ખુલ્લી છે. કટરાથી 3 કિમી દૂર તારાકોટમાં તમને આ લંગર સરળતાથી મળી જશે. અહીં દરરોજ 8500 લોકોને ભોજન આપવામાં આવે છે. દાળ, ચોખા અને અંબાલ એ જમ્મુનો પરંપરાગત ખોરાક છે. આ લંગર 24 કલાક ખુલ્લો રહે છે. તમે ગમે ત્યારે જઈને ખાઈ શકો છો.

તિરુપતિ બાલાજી, આંધ્ર પ્રદેશ
વિશ્વના સૌથી ધનાઢ્ય મંદિરોમાંનું એક તિરુપતિ બાલાજી પણ દરરોજ હજારો ભક્તો માટે ભોજન બનાવે છે. અહીંના રસોડાને અન્નદાનમ નામ આપવામાં આવ્યું છે. ખાસ વાત એ છે કે અહીં તમને કેળાના પાન પર ખાવાનું પીરસવામાં આવશે, જેનાથી ભોજનનો સ્વાદ પણ વધી જાય છે. ભાત, સંભાર અને શાક અથવા ચટણી સામાન્ય રીતે ભોજન સાથે પીરસવામાં આવે છે.

સાઈ સંસ્થાન પ્રસાદાલય, શિરડી
શિરડીનું સાઈ સંસ્થાન પ્રસાદાલય એશિયાનું સૌથી મોટું પ્રસાદાલય છે. જ્યાં ડાઇનિંગ હોલમાં એક સાથે 5500 લોકો બેસીને ભોજન કરી શકશે. અહીં દરરોજ લગભગ 100000 લોકોને ભોજન આપવામાં આવે છે. આ પ્રસાદાલય બે ભાગમાં વહેંચાયેલું છે. તેનો પહેલો ભાગ ગ્રાઉન્ડ ફ્લોરનો હોલ છે જેમાં 3500 લોકો બેસી શકે છે અને બીજા ભાગમાં પ્રથમ માળે બનેલા બે વિશાળ હોલ છે.

દરેક હોલની ક્ષમતા 1000 છે. ખોરાક ખૂબ જ સરળ અને સ્વાદિષ્ટ છે. અહીંના ભોજનમાં દાળ, ભાત, રોટલી, બે પ્રકારના શાક અને તેની સાથે એક મીઠાઈનો સમાવેશ થાય છે. પ્રસાદાલય સવારે 10 થી રાત્રીના 10 વાગ્યા સુધી ખુલ્લું રહે છે. તમે વચ્ચે ગમે ત્યારે ખોરાક ખાઈ શકો છો.