17 જૂન એ ભારતીય વિશ્વ ઇતિહાસમાં સૌથી મહત્વપૂર્ણ દિવસ માનવામાં આવે છે. વર્ષ 1631માં આ દિવસે શાહજહાંની બેગમ મુમતાઝનું અવસાન થયું હતું. મુમતાઝના મૃત્યુ પછી જ શાહજહાંએ તેની પત્નીની યાદમાં તાજમહેલ બંધાવ્યો હતો. તમે તાજમહેલની સુંદરતા વિશે ઘણું સાંભળ્યું હશે, પરંતુ શું તમે જાણો છો કે તાજમહેલ કુતુબમિનારથી પણ ઊંચો છે ? કદાચ નહીં, તો ચાલો તમને જણાવીએ આ અનોખી વાત.
વિશ્વની સાતમી અજાયબી 1632 ઇસ. બનાવવામાં આવી હતી અને તેને બનાવવામાં લગભગ 22 વર્ષ લાગ્યા હતા. જો કે સમાધિનું બાંધકામ 1643માં પૂર્ણ થયું હતું, પરંતુ યોજનાનું અન્ય આયોજન કરવામાં બીજા 10 વર્ષ લાગ્યાં. સમાધિના અંદરના ભાગમાં એક ઓરડો બનાવવામાં આવ્યો છે, તેની નીચે એક ભોંયરું પણ છે. તેમાં શાહી પરિવારના સભ્યોની કબરો પણ છે.
રૂમની મધ્યમાં શાહજહાં અને મુમતાઝની કબરો છે. એવું માનવામાં આવે છે કે તાજમહેલના નિર્માણમાં 1653માં અંદાજિત 32 મિલિયન રૂપિયાનો ખર્ચ થયો હતો, જે અંદાજે 52.8 અબજ રૂપિયા છે. જેમાં લગભગ 20 હજાર કારીગરોને રોજગારી આપવામાં આવી હતી. તમને આ સાંભળીને થોડું અજીબ લાગશે, પરંતુ કહેવાય છે કે તાજમહેલ કુતુબ મિનાર કરતા પણ ઊંચો છે.
ઈતિહાસ મુજબ, અને સત્તાવાર વેબસાઈટ પર મળેલી માહિતી મુજબ, તાજમહેલની લંબાઈ 73 છે, જ્યારે ભારતીય સંસ્કૃતિની સત્તાવાર વેબસાઈટ અનુસાર કુતુબ મિનાર 72.5 મીટર છે. જો તાજમહેલની લંબાઈ 243 ફૂટ છે તો કુતુબમિનારની લંબાઈ 239 ફૂટ છે. બંનેની લંબાઈમાં બહુ ફરક નથી પણ તાજમહેલ લાંબો છે.
