જો તમે પણ તમારા વૃદ્ધ માતા-પિતા અથવા તો કોઇ સિનિયર સિટીઝન સાથે ટ્રિપ પર જવાનું વિચારી રહ્યાં છો, તો ટ્રિપ પહેલાં ઘણી તૈયારી કરવી જરૂરી છે. આમાં ડેસ્ટિનેશનથી લઈને હોટેલ બુકિંગ, ફ્લાઈટ ટિકિટ બધું જ સામેલ છે, પરંતુ આ તૈયારીઓ અહીં પૂરી નથી થતી. અન્ય બાબતો છે જેનું તમારે ધ્યાન રાખવાનું છે.
સ્વાસ્થ્ય તપાસ કરાવો : તમારી વૃદ્ધ માતા એકલી ટ્રિપ પર જઈ રહી હોય કે તમારી સાથે, બંનેમાં ટ્રિપ પર જતાં પહેલાં તેમનું હેલ્થ ચેકઅપ કરાવવું જરૂરી છે. બોડી ચેકઅપ કરાવવું, જેમાં બીપી, શુગર અને અન્ય કોઈ પ્રોબ્લેમ હશે તો ખબર પડી જશે.
દવાઓ લેવાનું ભૂલશો નહીં : જો તેમને પહેલેથી જ કોઈ સમસ્યા હોય, જેની દવાઓ ચાલી રહી હોય, તો તેને તમારી સાથે રાખવાનું ભૂલશો નહીં અને કોઈપણ પ્રકારની સમસ્યા ન હોય તો પણ તાવ, માથાના દુખાવીની દવા જેવી કેટલીક જેનરિક દવાઓ તમારી સાથે રાખો. તેઓને ગમે ત્યારે તેની જરૂર પડી શકે છે.
તમારી સાથે તંદુરસ્ત ખોરાક રાખો : વૃદ્ધાવસ્થામાં પાચનતંત્ર નબળું પડી જાય છે. ખોરાકનું પાચન યોગ્ય રીતે થતું નથી. એસિડિટી, ગેસની સમસ્યા પણ ખૂબ જ પરેશાન કરી શકે છે, તેથી તેમને હળવું અને સ્વસ્થ ખવડાવો જેથી પ્રવાસમાં કોઈ મુશ્કેલી ન આવે. વારંવારની ભૂખ સંતોષવા તળેલા ખોરાકને ખવડાવશો નહીં. તેના બદલે ડ્રાયફ્રૂટ્સ, મગફળી, મખાના જેવા વિકલ્પો રાખો.
ટિકિટ કન્ફર્મ હોય તો જ મુસાફરી કરો : વૃદ્ધો સાથે મુસાફરી કરતી વખતે આનું ખાસ ધ્યાન રાખો. ઘણી વખત ટ્રેનમાં મુસાફરી દરમિયાન સીટ ન મળતાં પણ લોકો એ વિચારીને પ્રવાસ પર જતા હોય છે કે જે થશે તે જોઈ જશે, પરંતુ આ વિચાર વૃદ્ધ લોકો સાથે ન રાખવો તો સારું. જો તેમને સીટ ન મળે તો તેમને લાંબી મુસાફરીમાં ઘણી મુશ્કેલીનો સામનો કરવો પડી શકે છે.
